Derisa dy vite më parë, në kilometrin e tretë, është hapur shtegu i hekurt “Via Ferrata”, këtë vit Peja po bëhet edhe më një shteg të tillë.

Shtegu i ri “MAT Via Ferrata” do të ketë një gjatësi prej 550 metra, dhe për dallim nga “Via Ferrata” ngjitja do të jetë horizontale.

“Mat Via Ferrata”, do të jetë të vendi i njohur  “Te Sharra”, dy kilometra larg nga qendra e Pejës, duke shkuar në drejtim të Grykës së Rugovës.

Ndryshe, dy vite më herët në Pejë, është bërë inaugurimi i shtegut të hekurt apo “Via Ferrata”, të ndërtuar te Shpella e Mbretëreshës, në kilometrin e katërt të Grykës së Rugovës në qytetin e Pejës.

Via Ferrata është shteg i siguruar me një fije të çeliktë dhe shkalla të siguruara në shkëmb, që u mundëson bjeshkatarëve të ngjiten në vende të cilat deri atëherë kanë mundur të shkojnë vetëm alpinistët më të trajnuar. Është një sistem që është zhvilluar për çështje të mbrojtjes gjatë luftës së parë Botërore në Itali dhe Austri e që më vonë është kthyer në sport dhe atraksion turistik.

Via Ferrata është ndërtuar nga ekspertë kosovarë, të mbikëqyrur nga ekspertë Italianë me më shumë se 20 vjet përvojë në ndërtimin dhe mirëmbajtjen e shtigjeve të tilla./Telegrafi/

 

Komentoni